Эрх зүй

Үйлчилгээний нөхцөл

Хүчин төгөлдөр болсон: 2026 оны 10-р сарын 17

Эдгээр нөхцөл нь AIDO Lab Mongolia («бид»)-ийн aidolab.mn болон app.aidolab.mn («үйлчилгээ»)-ийг ашиглахад хамаарна. Бүртгүүлж эсвэл үйлчилгээг ашигласнаар та эдгээр нөхцөлийг хүлээн зөвшөөрч байна.

1. Үйлчилгээ

Бид GitHub repo-г аюулгүй байдлын үүднээс автоматаар шалгах, AI-аар зөвлөгөө өгөх, Python апп-ыг интернетэд байршуулах (hosting), мөн код засвар, зөвлөх үйлчилгээ үзүүлдэг. Зарим боломж туршилтын («Демо») горимд ажиллаж болно.

2. Бүртгэл

• Бүртгэлийн мэдээллээ үнэн зөв оруулж, нууц үгээ бусдад өгөхгүй байх үүрэгтэй.
• Таны бүртгэлээр хийгдсэн үйлдлийн хариуцлагыг та хүлээнэ.
• Бүртгүүлэхэд урилгын код шаардагдаж болно.

3. Таны код, таны өмч

Таны код, апп, өгөгдлийн оюуны өмч танд хамаарна. Бид зөвхөн үйлчилгээ үзүүлэх (шалгах, байршуулах) зорилгоор хандана. Та эх кодоо хүссэн үедээ авч болно.

4. Хориглох зүйлс

Дараах зорилгоор үйлчилгээг ашиглахыг хориглоно:

• Хууль бус агуулга, хортой програм (malware), фишинг, залилан.
• Банк, төрийн байгууллага, бусад байгууллага, хувь хүний нэрийг хуурамчаар ашиглах.
• Бусдын систем рүү халдах, спам илгээх, крипто валют олборлох.
• Үйлчилгээний аюулгүй байдлыг тойрч гарах, бусад хэрэглэгчийн апп, өгөгдөлд хандахыг оролдох.

Эдгээрийг зөрчсөн апп, бүртгэлийг бид урьдчилан мэдэгдэлгүйгээр зогсоож болно.

5. Төлбөр

• Багцын үнэ төгрөгөөр тогтоогдох бөгөөд QPay зэрэг хэрэгслээр төлнө.
• Төлбөр хугацаандаа хийгдээгүй бол апп түр зогсож, төлбөр хийгдмэгц сэргэнэ. Эх кодыг устгахгүй.
• Код засвар, зөвлөх үйлчилгээний үнийг ажил эхлэхээс өмнө тохирно. Таны зөвшөөрөлгүйгээр нэмэлт төлбөр гарахгүй.

6. Баталгааны хязгаар

Автомат шалгалт нь түгээмэл алдаа, эрсдэлийг илрүүлэхэд тусална. Гэвч бүх аюулгүй байдлын асуудлыг олно гэсэн баталгаа биш. Үйлчилгээг «байгаа хэвээр нь» үзүүлнэ. Бид тасралтгүй ажиллагааг хангахыг хичээх боловч техникийн саатал гарч болно. Чухал өгөгдлөө тогтмол нөөцлөхийг зөвлөж байна.

7. Хариуцлагын хязгаар

Хууль зөвшөөрсөн хэмжээнд бидний хариуцлага нь тухайн үйлчилгээнд сүүлийн 3 сард таны төлсөн дүнгээс хэтрэхгүй. Шууд бус хохирол, ашиг алдсаныг бид хариуцахгүй.

8. Бүртгэл цуцлах

Та хүссэн үедээ бүртгэлээ цуцалж болно. Нөхцөл зөрчсөн тохиолдолд бид бүртгэлийг хааж болно. Бүртгэл хаагдвал өгөгдлийг Нууцлалын бодлого-ын дагуу устгана.

9. Өөрчлөлт ба хууль

Нөхцөлийг шинэчилбэл энэ хуудсан дээр огноог нь өөрчилж нийтэлнэ. Эдгээр нөхцөлд Монгол Улсын хууль үйлчилнэ.

10. Холбоо барих

Асуулт байвал info@aidolab.mn хаягаар холбогдоно уу.